Меню сайта
Форма входа
Категории раздела
| Наша библиотечка [26] |
| Разработки и статьи учителей с приложениями [21] |
| Статьи ученых [16] |
| Конкурс «Я – психолог» [54] |
| Интересные программы [8] |
| Конкурс на лучшую коррекционную программу [8] |
|
Конкурс на тему «Межнациональная толерантность в современной казахстанской школе»
[0]
Конкурс на тему «Межнациональная толерантность в современной казахстанской школе»
|
Наш опрос
Облако тегов
Порекомендуй другу
Поиск
Друзья сайта
Наш баннер
Нас считают
Онлайн всего: 1
Гостей: 1
Пользователей: 0
Translate this pag
Казахский язык
| Главная » Файлы » Наша библиотечка |
Психологиялық жаттығулар жинағы
| 06.11.2011, 17:29 | |
| Алғы сөз Бүгінгі таңда елімізде қоғамның әлеуметтік, рухани-мәдени жағдаяттарын, экономикасын дамытуға бағытталған елеулі іс-шаралар атқарылуда. Мемлекеттік тұрғыда қолға алынып жатқан әлеуметтік-экономикалық реформалар, әр алуан рухани-мәденибағдарламалар сол сөзіміздің жарқын дәлелі болса керек. Еліміздің егемендік алуы әлеуметтік-экономикалық және мәдени дамуымызға байланысты көптеген өзгерістер енгізді. Әсіресе, жоғарғы оқу орындарында оқу жүйесінің жаңаша өзгеруі, оқу үрдісінің неғұрлым жүйелі түрде жүргізілуі сөзіміздің дәлелі болса керек. Өзгерістердің негізгі мақсаты жаңа заман талап етіп отырған өскелең өмірдің қажеттіліктерін қанағаттандыру болып табылады. Осынау түбегейлі өзгерістер республикамыздың білім беру жүйесіне де оң ықпал етіп, бұл салада да көптеген реформалар жүргізілуде. Осындай жаңалықтар жаршысындай, қазіргі таңда барлық пәндер бойынша қазақ тілінде оқу құралдары мен оқулықтар жазылуда. Бұл жаңарған заман талабы. Мәселен, «Психология» саласы бойынша қазақ тіліндегі оқулықтар мен оқу құралдары жоққа тән. Бұл оқулық – сол олқылықтардың орнын толтыруға деген талпыныстардың бастамасы. Бұндай ғылыми-тәжірибелік бағыттағы еңбектердің ана тілімізде жазылуы қуанарлық та, құптарлық жай, жаңарған қоғамның жаңғыруынан туындаған қажеттілік. Еңбекте негізінен психологиялық тренинг туралы, оның түсінігі, тарихы, міндеттері, ұстанымдары, мақсат-мұраттары, негіздері, нәтижелері жөнінде салиқалы ой-пікірлер сарапқа салынып, зерттеу объектісіне айналған. Сондай-ақ, еңбекте жұмысқа қабілеттілікті арттыруға көңіл-күй деңгейін көтеруге, шаршамауды басуға, адамға эмоционалды жігер беруге бағытталған әр түрлі психогимнастикалық жаттығулар берілген. Осыған байланысты, қоғам қажет етіп отырғандай психология ғылымының практикалық саласын, олардың міндеттері мен зерттеу әдістерін сапалы түрде меңгерген жоғарғы білімді «психолог» мамандарын даярлап шығару көзделіп отыр. Айта кетер бір мәселе, қазақ тіліндегі оқулықтар жетіспеуі оқу үрдісіне үлкен қиындық келтіруде. Осындай кемшіліктер психология ғылымының үлкен бір саласы «практикалық психология» бөлімін толығымен меңгеруде кездесетін біршама қиындықтар психолог мамандарының негізгі өзекті мәселелерінің бірі болып отыр. Осы орайда, жазылған бұл оқу құралы қазақ тіліндегі тұңғыш туындыларының бірі. Ендеше, оқырмандар назарына ұсынылып отырған «Психологиялық жаттығулар жинағы» атты оқу-әдістемелік құралы «психология» мамандығы студенттеріне, аспиранттарға, оқытушыларға, сондай-ақ жалпы көпшілік психология ғылымына қызығушылығы бар барлық оқырмандарға арналған. Бұл оқу құралдағы келтірілген материалдар бірнеше жылдан бері өткізілген практикалық жұмыстардың тәжірибесі есебінен жинақталған. Аталмыш әдістемелік құралда берілген барлық тренингтер қазақ аудиториясына бейімделіп жасалған. Тренингтер жинағы негізгі үлкен үш бағытта қарастырылған. Бірінші бағытта қарым-қатынастың негізгі психологиялық ерекшеліктері ескеріліп, топтың атмосферасын жақсарту мәселесі көзделген. Екінші бағыт адамның сезімталдығына арналған тренинг, басқа адамды есту және көруді бір мезгілде бақылау қабілеттілігін айқындайды. Үшінші бағытта ойдың шығармашылығын қалыптастыруға жетелейтін тренингтер енгізілген. Ұсынып отырған бұл еңбегіміз топ жұмысының нәтижелі болуына үлкен ықпалын тигізері анық.Оқулықтың мазмұнындағы тренингтер адамның мінез-құлық амалдарын сезіну және жаттығу тәсілдерін меңгеруге, ең бастысы теориямен практиканы байланыстыра алу мақсатында жүйелі түрде берілген. Бұл әдістемелік оқу құралы психология пәнінің ролін көтеруге септігін тигізеді деп сенеміз. Ұсынып отырған бұл оқу құралы «практикалық психология» саласымен айналысатын мамандардың танымдық белсенділігін арттыруға, тілдік мәдениетін қалыптастыруға, шығармашылық әдістерін шыңдауға бағытталған. Осы оқу құралы жайлы өз-пікірлерін, сын ескертпелерін білдіргісі келген барлық оқырмандарға алдын-ала алғысымызды білдіреміз. Автор | |
| Просмотров: 42513 | Загрузок: 10 | Комментарии: 48 | Рейтинг: 2.7/34 | |
| Всего комментариев: 48 | 1 2 3 4 » | |||||||||
| ||||||||||
| 1-10 11-20 21-30 31-31 | ||||||||||
